Тазбаш

Шәехзадә Мөхәммәтзәкир улы Бабич (1895 елның 14 гыйнвары — 1919 елның 28 марты) — татар-башкорт халыкларының уртак шагыйре.

Ш. Бабич элеккеге Уфа губернасының Бөре өязе(хәзерге БҖ нең Дүртөйле районы) Әсән авылында Мөхәммәт-Закир мулла гаиләсендә туа. 15 яшеннән Казакъ далаларында укытып йөри, 16 яшендә китап яза, 18 яшендә шагыйрь булып таныла. Уфада "Галия" мәдрәсәсендә белем ала. Анда укыган чагында "Шура" журналына языша башлый, Уфа сәхнәсендә чыгышлары, үткен сатирик шигырьләре белән халык мәхәббәтен яулый. "Галия"не тәмамлаганнан соң, бераз вакыт Троицк каласында мөгаллимлек итә, аннары Ырынбурда "Кармак" журналында эшли. Шагыйрьнең гомере бик кыска була: 1919нчы елның 28нче мартында ул гражданнар сугышы буталчыгында һәлак була.